Pizza
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pizza | ||
|---|---|---|
 Pizza | ||
Orichen cheografico | ||
| Cocina: | Gastronomía italiana | |
| Orichen: | Nápols (Italia) | |
| Se mincha en: | en toz puestos | |
Elaboración | ||
| Preparación: | farina, tomate, queso y cuantos atros ingredients | |
A pizza[1] ye un plato d'orichen italiano que consiste en una base per un regular redonda y plana de masa a base d'hordio con emprenyatuera cubierta con tomates, queso y, a ormino, cuantos atros ingredients (como anchovas, sampinyons, cebollas, olivas, pinya, carne, etc.), que dimpués s'enforna a alta temperatura, tradicionalment en forno de lenya.
En Italia, a pizza que se sirve en un restaurant se presenta sin tallar y se mincha con cutiello y forqueta.[2] En ambients informals, manimenos, se talla en gallos pa minchar mientres se sostiene en a man.
Lo termin pizza se rechistró per primera vegada en o sieglo X en un manuscrito latín d'a ciudat de Gayeta, en o sud d'Italia, en Lazio, en a buega con Campania. A pizza moderna s'inventó en Nápols y, dende alavez, o plato y las suyas variants s'han feito populars en muitos países. S'ha convertiu en una d'as birollas mas populars d'o mundo y en un birolla común de birolla rapida en Europa, America d'o Norte, Australia y Asia; ye disponible en pizzerías (restaurants especializaus en pizza), restaurants que ofreixen cocina mediterrania, a traviés d'entrega de pizza y como birolla d'a carrera. Cuantas interpresas de birollas venden pizzas precocinadas, que pueden conchelar-se, en as botigas de comestibles, pa recalentar-las en un forno domestico.
En 2017, o mercau mundial d'a pizza yera de 128 000 millons de dolars y en Estaus Unius yera de 44 000 millons de dolars repartius en 76 000 pizzerías. Per un regular, lo 13 % d'a población d'Estaus Unius consumiba pizza en un día qualsequiera.[3]
L' Associazione Verace Pizza Napoletana ye una organización sin fins de lucro fundada en 1984 con seu en Nápols que tien como obchectivo promover a pizza napolitana tradicional. En 2009, a petición d'Italia, a pizza napolitana se rechistró en a Unión Europea como plato tradicional guarenciau y en 2017 l'arte d'a suya elaboración s'incluyó en a lista d'o patrimonio cultural immaterial d'a UNESCO.[4]
Atras birollas semellants
[editar | modificar o codigo]- Flammkuchen, tipica d'Alsacia.
- Lahmacun, a vegadas clamada pizza turca.
- Okonomiyaki, de Chapón.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (en) How to eat: Neapolitan-style pizza en The Guardian
- ↑ (en) Rhodes, Donna; et al. (February 2014). "Consumption of Pizza" . Food Surveys Research Group Dietary Data Brief No. 11. USDA.
- ↑ (en) Naples' pizza twirling wins Unesco ‘intangible’ status en The Guardian
