Pagina principala
|
 Vos in vedrina La cusina lombarda la gh'ha dent di cusin di provinc divers per la soeu stòria e territori, cont prodott gastronomegh tipegh de la produzion agricola de la region. Ona ròbba comuna la se ved intra i piatt che riven di prodott agricoi disponibel in funzion di sò risors naturai: i acqu di lagh e fiumm (e donca el pess d'acqua dolza), i pascoi (cont i prodott che riven dal lacc, la carna de boeu e de porscell), el ris e 'l formenton. Sora i maner de preparà e de cusina quest aliment chì, gh'hann avuu tanta influenza i dominazion che in del cors di secoi a gh'hinn staa in Lombardia: di celt ai roman, fin ai austriegh, spagnoeu e franzes. A l'è propri per questa reson chì, che i savorii polpett de carna coeusuda che i milanes ciamen "mondeghili", ciappen el nòmm di polpett catalan, che in quella lengua se ciamen apont mandonguilles. La cusina lombarda a l'è caratterizzada di lungh cottur, di less ('me la cassoeula), di stuvaa, di intingoi (faa per compagnass cont la polenta), dal ris e di past repien, dal butter e dal lard. A hinn specialitaa tipegh de la Lombardia: la busecca cusinada succia putost che in broeud, la luganega, la polenta oncia (ai formai e al butter), el tocch. A gh'hinn anca dolz e bibit tipegh de cert pòst, 'me i nosciolitt e 'l vespetrò (d'origen savoiarda) de Canz; oltra che i varï tipp locai de fritol, che ciappen nòmm divers (cutiscia, cutizza, miascia, paradèll, tortèll, o alter) in baa ai ingredient e a la manera de preparai. On alter piatt famos de la Valtelina a hinn i pizzoccher. (Innanz)
 Te 'l savevet che ... El Gavrilo Princip (Obljaj, 25 de luj 1894 – Terezín, 28 de avril 1918) a l'è stad un patriota e terrorista serb-bosniach, autor material el 28 de sgiugn del 1914 de l'atentad de Sarajevo indova che l'ha copad a colp de pistola l'ered al trono de l'Austria-Ongaria Franzesch Ferdinand e la soa mier Sofia, che l'ha menad poeu al s'ciopà de la prima guerra mondial. El partegniva al moviment de la Sgioven Bosnia e dent el se svesina al moviment nazzionalista armad de la Man Negra: arestad insema a l'amis Nedeljko Čabrinović el proeuva a mazzàss prima con del tossegh, che 'l gomita, e poeu a sbaràss, ma ghe toeuven via la pistola prima che ghe la faseva, desgià che l'era trop sgioven per vesser condanad a mort l'è condanad a vint agn de preson ma el moeur dopo quater agn 'me presoner per la tisi. (Va inanz)
 In di olter lengovI des Wikipedie con pussee de articoi: Ingles, Cebuan, Todesch, Svedes, Frances, Olandes, Russ, Spagnoeul, Italian, Arab Egizzian Alter lengov minoritari e piscinine: Waray, Basch, Bass azer, Minangkabau, Tamil, Latin, Asturian, Ladin dolomitegh, Marathi, Ocitan
 Un proverbi a cas
"Amor de fradei, amor de cortei" |
 Ocio!
 WikipediaWikipedia l'è un'enciclopedia libera e portada inanz apena de utent volontari. El so obietiv l'è de menà la cognossenza libera a tucc e in pussee lengov che se po. I nost Cinch Pilaster inn:
Una vos de scriver
 Cossa se po fà?
|
