Ardipithecus

Ardipithecus
Ardipithecus Tim White, Gen Suwa, Berhane Asfaw 1995
Instancia de taxon fósil  Categoría taxonómica xénero
Sinónimos e subdivisións
Subdivisións †Ardipithecus kadabba †Ardipithecus ramidus
Datas  Data de comezo hai 5.600.000 anos  Data de remate hai 4.400.000 anos  Período Zancleano (pt)
Clasificación taxonómica
Superreino Holozoa Reino Animalia Filo Chordata Clase Mammalia Orde Primates Familia Hominidae Subfamilia Preanthropinae Xénero Ardipithecus White, Gen Suwa e Berhane Asfaw, 1995 Ardipithecus
Códigos e identificadores Freebase /m/0mfl OTT 3607705
Wikidata C:Commons

Ardipithecus é un xénero extinto de homínido que viviu entre o Mioceno tardío e o Plioceno na Depresión de Afar, Etiopía. Orixinalmente descrito como un dos máis antigos antepasados do ser humano, é na actualidade tema de debate a súa relación co xénero humano e se é un homínido ou non. Foron descritas dúas especies fósiles: A. ramidus, que viviu hai 4,4 millóns de anos, e a A. kadabba, que data de hai 5,6 millóns de anos (Mioceno tardío). O comportamento dos ardipithecus podería ter sido semellante ó dos chimpancés.

Os restos da especie Ardipithecus ramidus atopounos un equipo dirixido por Tim White no curso medio do río Awash, no territorio poboado polos afar de (Etiopía), a partir de 1992 e para os que estableceu a nova especie de Ardipithecus ramidus en 1995 baseada nos vocábulos afar ardi (chan) e ramid (raíz) e no grego pithecus (mono); a antigüidade da especie remóntase a 4,4 millóns de anos. Polo tamaño dos ósos pénsase que era do tamaño dun chimpancé moderno, habitando un medio forestal, presentando os seus dentes un esmalte fino como os dos chimpancés o cal indica que a súa dieta consistía en froitos, follas e en xeral produtos vexetais brandos.

No ano 2005 un equipo da Universidade de Indiana dirixido por Sileshi Semaw encontrou restos dun metacarpo de Ardipithecus ramidus que podería demostrar que era bípede.